Oté

« Demandé la pa défandi, rofizé la pa batu »

In kozman pour la rout

Justin / 10 zwiyé 2018

JPEG - 43.6 ko

Sa in kozman moin la antann dopi lontan, dopi l’èr moin lété marmaye. Moin pèrsonèl mi sava pa domandé si mi koné i sava afront amoin. Santi out jou l’apré shofé é l’apré rouji sa la pa in n’afèr mi yèm pou vréman. Epi domandé, sé mète aou dann l’infèryorité : in moun fyèr i yèm pa pou vréman ète dann l’infèryorité. Tout fason i di pa la min k’i done lé dosi la min k’i pran ? Domandé sé ronons out fyèrté. Antansyon, réklamé i vé pa dir lo mèm z’afèr pars kan ou i réklam ou i réklam out du. Kan ou i domann, lé konmsi ou i domann in favèr é domann in favèr, sa i fé pa parti bann valèr mon famiy. In tor ? Sirman mé lé konmsa é pa otroman. Alé ! Mi kite azot rofléshi la dsi é ni artrouv pli d’van. Sipétadyé !