Oté

« Demoun i yèm pa demoun, i yèm larzan demoun »

In kozman pou la rout

Justin / 5 zwin 2020

JPEG - 43.6 ko

Médam, Mésyé, La sosyété, koz èk moin sé koz èk in kouyon mé sé o pyé d’lo mir k’i oi lo bon mason. Ala in kozman demoun I di dann la kote d’ivoire mé ala in proverb mi yèm pa-moin pèrsonèlman pars mi koné In pé I ador sa. Sirtou bann gardèr fèyton : pou zot néna poin arien lé valab konm larzan. Poitan I di bien larzan I fé pa lo bonèr mé in pé I trouv zot bonèr ladan. Sansa ipokrite I di larzan I fé pa lo bonèr mé li kontribu. Si ou i di sa, é si ou i kroi sa, ou I pans néna riyink bann valèr materiel lé valab dann la sosyété. I fo dir, nou néna in drol sosyété I invite anou bénéfisyé tout valèr materiel épi I di anou : ”Astèr ou lé éré !” é si ou la poin bann valèr-la I di : ”Ou lé maléré !”. Aprésa étone pa si l’amour li mèm li kont an valèr materiel.I pé diskité. Alé ! Mi kite azot an rofléksyon é ni artrouv pli d’van. Sipétadyé.