Kozman-la, sa in kozman malgash mé i pé z’ète in kozman tout kalité péi. Pou kosa ? Pars ni pé dir sa sré valab pou lo mon an zénéral. Kosa kozman-la i vé dir par l’fète ? In vérité bato, konm i di. In sinp vérité : demoun lé ni méshan ni bon. In drol z’afèr pars a bien rogardé ou i rann aou kont néna bon moun épi mové moun é sa lé vré partou. In ga konm JJ Rousseau téi di : l’om lé né bon, mé la sosyété i rann ali mové. Ni pouré dir galman tout i dépann bann sirkonstans, tout i dépann bann sityasion. Lo mèm moun i pé z‘ète bon dann in ka, mé li pé z’ète mové dann in n’ot ka.mé éstop tèrla, é sèl z’afèr mi fé, mi invite azot pou rofléshi la dsi é ni artrouv pli d’van sipétadyé.