An aoir zarnyé dan la tète la pa lo sign in bone santé mantal, sré mèm lo kontrèr. Si i di ou lé konmsa sé konmsi i di aou ou lé piké, ou la bpoir lank, ou la boir pétrol anfin sé dir aou néna kékshoz i kol pa bien avèk ou. Donk ou néna in zarnyé dann plafon.

Dizon la plipar d’tan i fo pran sa konml in lavèrtisman, in linvitassion a garde out kalm, a gard out sèlf-kontrol é sa sé lo méyèr afèr a fèr.

M’a dir azot kékshoz : mi yèm pa demoune i boir la rak é pou kossa d’apré zot ? Sinploman pars sak i b oir la rak i konsèrv pa son sèlf-kontrol é sa sé kékshoz i fodré pa si ou sé in om dign d’ète in onm, si ou sé in fanm dign d’ète in fanm.

Alon mète sa bien dann nout tète pars sa va sèrv anou dan la vi.

Justin