Ala in gran problèm ! Kroir Bondyé, kroir lo syèl, kroir l’anfèr, lo salu é tout lo tranbléman sé viv dann la trankilité. I paré mèm, momandoné ou i pass out tan à souète pass l’ot koté. Mé si ou i kroi l’ot koté la poin arien, lé vré lé konmsi ou i sote dann vid, sansa ou i sote nil par. Mé, pou dir vré, lé shoz lé jamé konmsa san pour san. Pou kosa ? Pars néna sak i apèl la doutans. Ou i koné pa si ou i kroi pou vréman, sansa si ou i kroi pa toulbon, ou i késtyone aou. Isi La Rényon demoun i poz azot si tèlmann késtyon in pé i kroi plizyèr rolizyon an mèm tan, i sote d’inn a l’ot, i konvèrti dann inn sansa dann l’ot pou trouv lo vré rolijyon pou amenn aou dann paradi blan konm di lo shanté. Dizon tousala sé pou kozé pars pou lo rèss mi kite azot rofléshi la dsi é ni artrouv pli d’van. Sipétadyé !