In pé rante nou i sava la vyèrz noir pou fèr in promèss épi pou romèrssyé si la gingn satisfakssion kissoi pou in problèm santé, kissoi pou in problèm lantante rante zamouré,kissoi ankor in problèm travaye.mèm in pé momon i sava laba pou tir shové zot baba si shové la mayé. Noute toute i panss la vyèrz noir va rann anou lo gran sèrviss ni domann aèl.

Aprésa si lé akordé, i fo romèrssyé.Romèrssyé koman ?Par in sinp plak dossi lé marké « mèrss »i. Osinonsa par kékshoz i roprézante bien in tablatir la frape anou in zour. Sirésèrtin si l’avé kékpar in mémwar pou ramass toute bann promèss dann mémwar-la noré in bon morsso listoir La Rényon.

Dann somi-lo mo Daniel Honoré la ékrir i parl in travayèr , kan son l’èr d’rotrète l’arivé, la parti dépoz in zoutiy la vyèrz noir :sa i pé z’ète in triyèl pou in masson,in marto pou in sharpantyé, antouléka kékshoz i roprézante bien lo métyé la pèrsone la fé toute in vi.

Kossa zot i panss dé sa ? Sa la pa in kouyonade, mé pou mwin in gayar tradissyon bann rényoné i fé viv d’ané an ané.kékshoz lé né avèk la lézann Mario lo pti zésklav fizitif épi la travèrs in gran boute noute listoir-in tradissyon lé fé pou dir ankor lontan.

Alé ! Mi kite azot rofléshir la dsi é ni retrouv pli dvan sipétadyé.

Justin