Méssyé, médam, La sosyété, koz èk mwin sé koz èk in kouyon, mé sé o pyé d’lo mir k’i wa lo masson. Mézami, i paré i fo ou néna lan bisyon dan la vi. I paré d’apré in manyèr oir lé shoz koméla i fo wi monte, wi monte é wi arète pa. Mi pé konprann sa mé in n’ote afèr mi koné é sa sé lo privilèz bann moun azé : lo matin wi marsh dsi kate pate, lo midi wi marsh dsi dé pate, lo swar dsi troi é apré nout toute i koné kossa i ariv. Mi rokoné ossi shakinn néna son sèye linkonpétanss é souvan dé foi ou la fine trap ali san konète-sof si ou lé bien klèrvoiyan avèk ou mèm. Alor mon bann néna provèrb mwin la mark a n-o la é li pé z’ète in bon man yèr pou nou oir la vi. Mi vé pa dir i fo rèss anba anba, pars lé natirèl mont in pé dan la sosyété mé konm zot i koné wi monte la montagn é apré wi dsann l’ote koté. Normal non ? Mi vé pa dir azot pran modèl dsi lo kozman d’sazèss mwin la marké, mé sinploman réfléshi in pé é ni artrouv pli d’van. Sipétadyé.