Médame, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson .

Mézami, ala in kozman mi yèm pa tro pars shak foi mwin la antande dir sa, sé pou pa mark son solidarité par rapor d’moune i amenn la lite. Mon lédikassion la touzour mète amwin dann shomin la solidarité é zamé a kont-kouran.

Konbien foi mwin la antande demoune lé pa solidèr di kozman konmsa : mi pran pa lo risk pèrde mon larzan, sansa pèrde mon tan, sansa pèrde mon travaye alé oir mwin lé sir kan la plui i tonb i tonb pou toulmoune.

Alé ! Mi kite azot rofléshi la dsi é ni artrouv pli d’van. Sipétadyé.