Mésyé, Médam, La Sosyété koz èk moin sé koz èk in kouyon - sé o pyé d’lo mir k’i oi lo mason. Mi pans zot i koné ankor kosa k’i lé in fèrblan mèm si na pi sa koméla, isi La Rényon : lété in sort résipyan an tol té i sèrv pou in ta zafèr, kisoi transport salé, transport pétrole, lésans épi tout sort de shoz vid téi ansèrv sirtou pou alé rode delo la fontène. Donk majine in kou, zot i oi nyaz gri dann syèl é zot i di : « La pli i vien, mon lo lé in pé pa tro prop, mi vèrs mon fèrblan ! ». Oila ké la pli i ariv pa é oila k’i fo alé ar rode délo-in traka sa Baya !-Alé oir té pli fasil lèss lo fèrb lan intak épi aspèr la pli. Si i tonb tanmyé, si i tonm pa néna touzour in fèr blan d’avans. Zot i kon pran sa i pé ansèrv aou dan la v éi pa solman pu inn késtyonn lo mé pou késtyonn in bonpé zafèr. Final de kont sé pou dir aou, pran prékosyon dann tout zafèr é sa sé in bon prinsip é bon pou nout tout. Alé ! Mi kite azot rofléshi la dsi é ni rotrouv pli d’van. Sipétadyé !