Kan i parl dévlopman lékonomi, nana déssèrtin mo i doi an avoir in sans pou nou. An parmi so bann mo, nana lo dévlopman dirab : sa i vé dir konmsa, i fo pa détrui out natir pou goumante out prodiksion... détrui la natir, sa ni koné fèr, mé solman, i fo ni rann anou kont si ni fé sa ankor é ankor, sé nou-mèm nou va détrui. Apré sa, kèl sèrvis va rann anou, an avoir - pou sak nana - in kof’for bien garni, sansa, la bank, in kont avèk in bon pé zéro ?

Somène dèrnièr, la parl lagrikiltir : la di, i fo in lagrikiltir kalkilé (i apèl sa "raisonnée") pétète nora été myé si lavé parl lagrikiltir biolozik, akoz sé sa k’i fé plis parti lo dévlopman dirab. Mé soman, lagrikiltir kalkilé lé pli proférab sète i gaspiy langré èk produi shimik, sète i sousyé pa la santé bann konsomatèr...
Pou fé sa, i fo bann zagrikiltèr bien kalifié, nana bon l’informasion, épi i vèy dsi la santé bann demoun. I fo in bon politik pou lagrikiltir... Oubli pa non pli bon loi pou nou viv, pa pou nou krévé !

Justin

NB : Jistin, mète out linète an boi : lo pti péi an faillite ou téi koz yèr, la pa Tauru sé Naourou (Nauru). Tauru, in n’ote biznèss !