Dizon sé nout fil rouz pou guide noute panssé politik pou noute péi.

Sa i vé dire, la késtyonn lo dévlopman noute péi, sa sé kékshoze ni poze anou toulta,,. ni poze anou dann toute sizé laktyalité. Sa nouri noute léspoir, sa i alimant noute nostalzi pou in bite ziska zordi nou la pankor trapé. Paars pou nou, si néna kékishoze nou la loupé-é kan mi di nou, mi di ossi sète bande zénérassion la vni avan la note épi sak i vien apré.

Mézami mi pé dire azot nou la lité : lité pou trape noute lékonomi dévlopé. Lité avèk tazantan léspor in vi myèr pou noute bande konpatriote. Lité avèk léspoir in travaye bien péyé pou toute rényoné i vé épi la bézoin. Lité pou ariv zordi antande l’insee di noute départmanlé atipik. Lité pou oir zordi la karte La Rényon avèk toussa voyan rouz dossi.

Mézami, listoir nout lékonomi i komanss lo zour méssyé Colbert la désside nou téi n koloni, avèk lintèrdikssyon fabrik n klou. Noute non dévlopman t marké so zour-la épi la kon tinyé sou la konpagni dé zinde, dsou bande roi d‘ franss, sou plizyèr répiblik, épi dopi La Rényon lé départarman franssé… la koloni i fabrik ar pa in sèl klou ! Nou va viv dann la monoprodiksyon kafé épi do sik ! La Rényon sar in téritoir d’kontoir pou lékonomi La franss sansa sète l’ erop !

Etone pa kan mi di azot a késtyonn noute non-dévlopman, i gate noute zour épi noute nuite, i fé fèr ano mov rève é i andikae noute péi zénérassion apré zénérassion. I donn manzé noute panssé politik ékonomik sossyal é ni viv tou lé zour dann la promèss d’n l’avnir méyèr ; in promèss k’i réalize pa, mé mondyé ségnèr, i fodra bien sa i ariv in zour.