Infantisid ou baba morné, le fétus dékouvèr dann lak park boizé o Port la soulèv le kèr bonpé d’moune. Devan lorèr, lémosion lé bien konpréansib. Mé, pou otan, ni doi pa oubli fé fonksione nout koko !

La pa sèlman lémosion in drame konmsa i doi soulévé. Drame-la i doi soulèv sirtou bonpé zintérogasion dann not tète. Éske ni mazine inpé dézaroi la pi pous’ in moune fé in zafèr osi épouvantab ! !

Kan in sosiété i fabrik zéskli alapèl é i done azot pou sèl lorizon le vid le pli zabsoli, la pa an miltiplian filé na anpesh de moune tonbé. Olié déblatèr si in soidizan “lac maudit”, ni fré mié voir koman ansanm ni pé shanz se sosiété modi ! ! !

Justin