Mi souvien inn-foi rant rant kan nou téi sava sin-lé, la mèr té tèlman for, téi fé tèlman dézord mwin téi gingn pa somèye. Par kont mwin l’avé kamarad téi kass pa la tète pou sa, pars dizon zot l’avé labitid lo gro brui la mèr kan l’avé in ra-d’maré.
Zot noré pi dir kan la mèr lé for konmsa é kan li fé si tèlman dézord, sa i anpèsh pti poisson dormi. Poitan i paré non ! Sa i déranz pa pti poisson pars sé zot milyé natirèl..… mi rapèl, in zour mwin té dann in kaz koté in légliz é légliz-la lavé in lorloz é lorloz-la téi sone sakinstan : in kou par domi-èr, in kou pou inèr, dé kou pou dézèr étsétéra étsétéra la ké lo ra.
Mwin té prévni promyé nui mwin noré pa gingn somèye mé alé oir ou, mwin la gingn tatane é konm i di mwin la fé in sèl somèye. Alé oir toulmoune té i s’anplègn dann radio sa téi kass zot somèye.
Mi kite azot rofléshir la dsi é ni retrouv pli dvan, sipétadyé.

Justin