Oté

« Di in moun in ségré a pa ropété. Ou lé sir toulmoun va konète »

In kozman pou la rout

Justin / 22 novanm 2018

JPEG - 43.6 ko

Sa i rapèl amoin lo roi Midas : li l’avé zorèye bourik é shak foi demoun téi vien koif ali, li téi prévien : « Alé pa di sa pèrsone, sansa mi fé koup out kolé ». Inutil dir azot tout koifèr téi vien koif ali, téi sar di partou é lor poi téi fé koup z’ot kou… L’ariv in zour in jenn koifèr é lo roi la fé ali lo mèm rokomandasyon. Kan li la sort dann palé, li la fouye in trou dan la tèr épi li la kriy anndan avan roboush lo trou : « Midas, lo roi midas néna zorèy bourik ! ». Mé oila son kozman la nyabou sort dann trou é lo van la transport lo nouvèl in pé partou. La suite, zot i dovine : lo roi la fé arète lo jenn koifèr épi la fé koup son kolé. Alé ! Mi kite azot rofléshi la dsi é ni artrouv pli d’van . Sipétadyé !