Mézami, zot i koné noute voizine Maurice lé an plin dann son kanpagn éléktoral : i sava ronouvèl lo l’assanblé nassyonal épi par la suite i sava shanj gouvèrtnman.

Souvan défoi , issi La Rényon, i antan pa tro parl la vi politik dann La Répiblik Maurice.Lé drol, mé ni intérèss bann péi lé loin é ni obliye in pé sak lé koté nou,issi dann l’oséan indien mèm si bonpé rante nou i sava pran vakanss laba, mèm si noute déstin-ni vé, ni vé pa-lé in pé alyanssé avèk bann péi nout loséan indien.

Si zot la suiv bann zartik dann Témoignages zot i koné,an parmi bann péi l’Afrik, sé Maurice néna lo pli for nivo d’vi.Sak i sava vizite lo péi i koné bien li lé bien modèrnizé é opliss i sava opliss li lé ékipé :lo l’aeéropor lé nèv, lo métro lé nèv galman. Dann laktyalité nou l’aprann l’Inn la instal in gran pist l’avion dann Agalega in pist ziska tro gran pou lo pti péi, . i tarde pa banna laba Maurice i rossoi san bus éléktrik Alé oir nou lé kontan avèk inn....

In nouvoté Maurice i trass shomin pou lo progré sossyal : inn fasson d’fèr, sak i travaye pa i doi pouvoir gingn viv é lo pli grann rishèss sré kat milionn touriste dan lo péi-L’aktyalité l amontre koman Maurice avèk bann shagoss la tienbo tète langlétèr pou rékipèr bannzil Chagos avèk an pliss 658000km2 loséan indien.

Mézami lo péi néna son lopozission é somenn proshène nou va oir kissa k’kla gagné an éspéran lo gagnan sar bann morisien, mé ni poura anparl apré.

A bon antandèr salu !

Justin