Souvan dé foi, mi di avèk zot, in pé i fyé dsi bann bèl parol épi i kroi l’afèr lé dann sak. In pé i panss mèm inn foi ké zot la di l’afèr lé fète. Poitan noute kozman lé fé pou ramenn a la rézon pli d’inn.

Biensir, i fo diskité, i fo kozé, mé inn foi k la fine bien kozé astèr i rèss pou réalizé é sé so poin-la souvan i fé défo kissoi par manke lo moiyin, kissoi par néglizanss, kissoi par in mové légzékission é sa lé valab a popré dann toute zafèr.

Bann franssé i di : néna loin dopi la koupe ziska la lèv é sa i vé dir wi pé an avoir anvi, mési ou lé pa assé déssidé dann sak wi fé… la koupe va manké. Pli pir néna sak i koz épizapré zot i panss lafèr lé fète alé oir souvan lé pa fète ditou.

Alé ! Mi kite azot rofléshir la dsi é ni rotrouv pli dvan, sipétadyé.

Justin