Pou kossa mi di sa ?

Pars mèm si Mayotte lé pa si tèlman gran li néna in bon grandèr kant mèm :avèk son 370 km2 sa i fé ali la sirfass troi komine konm Saint Paul, Le Port épi La Possession. Assé do koi pou done transpirassion bonpé d’moune, an parmi sak i kroi zot néna in gran mission pou fé pou La franss

Parl pi lo bann problèm éné par la résponsabilité la franss ké la mète ali an plin dézakor sèryé avèk bannzil Komor.Si i azoute son problèm avèk Madagaskar épi Maurice sirésèrtin na pwin d’koi pou li dor dsi son dé zorèye. Astèrr néna galman la prézanss bann gran puissans mondyal dann loséan indien épi lanvironeman zot va rann azot konte par zot mèm la tablatir li l’apré mète ali san rode paer avanss bann solissyon passifik.

Lo pti Prézidan Macron, kan li la parti fé l’mankin dsi bann zil zépars na poin lontan, mwin lé a dmandé si in sikssèssèr va nyabou fé parèye kan Madagaskar nora san milyon d’zabitan é lé pa si loin ké sa-armète al dsi bann péi afrikin avèk zot bann santène milyon zabitan.Ziss assé pou fé kon^preann anou lo tan k’i vien lé pad itou konm lo tan zlordi é pi lo tan la fine passé..

Lo prézidan La franss i sorte vni dan la zone.Talèr sé in bann miniss épi mèm lo promyé miniss La franss va vnir Pou fé kossa ?Mi oi pa tro bien oziss pars shak foi gouvèrnman l’anonss in lopérassion spéktakilèr sa la foiré é mayotte la pa trouv son kontran ladan.

A bon antandèr, salu !