Mézami mi panss zot konm mwin, nou la vnyabou fash avèk demoune pars nou la di késhoz i falé pa dir é konm nou la di sa, la pèrssone la pa pardone anou. Lé normal pars nou téi mazine mèm pa lo mal nou téi sava fèr aèl

Par konte sak mwin lé sir sé k’in zour zot konm mwin nou l’avé anvi di in mové parol é nou la pa di — konm di lo kozman nou la anval lo mo. Zot i koné, néna in n’afèr lé né avan nou é sa i apèl la politèss é la politèss i di anou sak ni doi di é sak ni doi pa di. La politèss i pèrmète anou ansorte anou korèktoman dann 99 pour san dé ka.

Alé ! Mi kite azot rofléshi la dsi é ni artrouv pli d’van, sipétadyé.

Justin