Médame zé Méssyé, la sossyété, mi antan souvan défoi demoune apré kozé : in pé, wi diré, i koze pou kozé, d’ote i koze pou aji.

Déssèrtin néna difikilté pou ajir, alé oir pou d’ote ajir sé pou zot konm in dézyèm natire. Souvan dé foi bande moune bavar lé bien kritiké pars zot i gingn pa fé sak zot i di zot va fé. Zote maladi, in linkapassité pou fère. Kaziman in maladi d’apré sak in pé i di. In maladi, i guéri d’sa, i guéri pa ? Tanmyé pou sak i azi natirèlman, mé domaz pou sak néna la difikilté d’azir. Lafontaine té i apèl demoune i koze san fé, bande moush du kosh. Mi koné pa si zot la déza fé kékshoze avèk demoune lé difissil pou fé kékshoze, mé mi pé dire azot sa i kass lo moral.

Alé ! mi kite azot rofléshi la dsi é ni artrouv pli d’van. Sipétadyé.