" Qu’est-ce que c’est que ce ministre de la République qui ose tenir de tels propos ?". Kroi pa minis an kestion-la, lé in roprézantan in répiblik “bananière”, konm désertin i di souvan kan sazi pa zot péi. Non. sé le minis fransé pou loutremer. Madame Girardin an persone !

Nicole Bouteau i koz pou la délégasion polinéziène pou la disolision lasanblé. Son tipé d’san i bouiy. Mé koman pa pran la kolèr, kan in roprézantan léta fransé - rofizan asèpt la réalité - i larg èk mépri : “zinstitision lé pa bloké. Alé voir zot bann kamarad fransé pou fé esplik azot, si zot i vé, koman rorganiz évantièlman in blokaz” !!

Rantrotan, dovan la gravité la sitiasion laba, in déblokaz pli zintélizan i komans fé zour. Jean-Louis Débré i sré pa kont in disolision lasanblé. Béatrice Vernaudoné - ènn dé dé dépité UMP Tahiti, le parti Gaston Flosse - lé pou rotourn dann lizoloir. Pou li, la poin dot solision. Mèm Madame Girardin la fini par par fé èsplik ali sé le solision le pli zist !!!

Justin