Do lo do lor, fo pa ni konpran sa sèlman kan faktir do lo tro lour pou péyé. I fo pa ni kroi do lo nora touzour, lé pou toultan. Bonpé péï si la tèr na poin do lo. Isi minm rienk in koté lil do lo lé plin, toulmon i koné sa, lot koté lé sék. Lé télman sék, minm sou la tèr do lo i mank.

Si té rienk sa, mé anplis ke sa, si ni port pa atansion, domin do lo la sra fine frelaté, déza lé pi tro bon boir do lo robiné, domoun i komans asèt ali an boutéy. Riskap do lo pou boir va kout pli sèr pétrol in zour. Koman na fé ?

Nout ti manir viv zordi la pou gat do lo, atann pa tout i pouri pou kalkil sa. Vo mié pa gaspy do lo pou nétoy loto, vo mié bann vil i kalkil kosa zot i fé sanm do lo la pi bon, la fine tourné. Alé ral lodèr ravine lérmitaz.

Justin