Mézami dann la paye sèk dofé i pran an akséléré. Mi rapèl bien kan mwin lété pti é bonpé la kaz té an paye dann mon landroi tazantan in kaz téi pran d’fé é a pène wi antan « o fé, o fé ! »é té fini pou lo kaz… Dann karo kann ossi dofé i bril an akséléré é san tardé lé fini pou lo karo.

Astèr dann la sossyété lé pa touzour k’i parl la paye kann, sansa dofé dan la paye kann, mé ni pé dir néna d’moune i anbal konm dofé dann kann : vitman zot i dispite, vitman zot i tape inn dsi l’ote… vitman galman la kolèr lé fine passé.

Alé ! Mi kite azot rofléshir la dsi é ni rotrouv pli dvan, sipétadyé.

Justin