Mézami, mi panss zot i konpran kozman-la. In kozman sinp pou sak la déza vi dofé pran dann la paye kann : mi di pa zot koman sa lé rapide, koman sa i déklansh an vitèss, koman sa i pète gosh-a-droite.

Mé biensir la pa solman in késtyon d’fé ni in késtyonn paye kann, mé plito in lékspréssion pou dir azot lo réakssyon d’in moune la kolèr i pran dsi li é koman bataye i pète. An fète kan sa i ariv la pèrsone i kontrol pi lé shoz é vitman-vitman son kolèr i déborde ali.

Alé ! Mi kite azot rofléshi la dsi é ni rotrouv pli d’van, sipétadyé.

Justin