La sézon sho épi la sézon sèk i tarde pa é dann inn-dé moi nou ossi ni sava konète bann problèm. Kan mi di nou, mi di pa solman La Rényon, mé lo süd an zénéral é pli pré d’nou néna bann maskarègn é zot ossi, an pliss la sézon siklone, in sézon sèk épi sho i atann azot ossi.

Dabor néna èl ninio : el ninio lé fine arivé sète ané. A sé in fénomène lé éné dann l’osséan passifik avèk in l’èr sho i monte ziska dis kilomète épi i sava dann latmosfèr, avèk in gran risk d’in sézon sho in pé partou dann lo sid… Dann nor sré plito in takon la plui la nèz lé riskab arivé apré lla kanikil zot i gingn sé t’an si.

Mé si ni rovien dsi nout Réjyon loséan indien kossa i atann anou ?

Néna kék somenn mwin la antann lé possib lo Dash i vien pa sète ané. Kan la anvoye lo Dash an mission, mi rapèl mwin la domann pou kossa la COI i ashète pa in Dash pou rann sèrviss bannzil loséan indien, mé pa d’réponss biensir alé oir nou néna problème séshrèss, problèm fé-sho. Fransh vérité mi oi ankor in foi La Franss i zoué pa son rol dann loséan indien par rapor lo dérègloman klimatik épi son bann konsékanss.

Anfin ki vivra véra. A bon antandèr salu !

Justin