Moin la konète lo tan domoun lavé poin d’lo z’ot kaz : té i sar rodé oussa k’i gingn, kisoi la fontène, kisoi in sours, kisoi in kaskad. Dann tan-la, demoun té mizèr d’lo... Koméla lé myé, mé solman, tazantan, i antann dann télé, sansa dann radio, tèl androi, tèl androi na in mank.

Alor, solon moin, i fo lo tan ramass dolo i arvien pou tout demoun, mé galman pou bann batiman piblik. Kalkil in kou, in kolèz, sa nanaplizyèr santène mètr-karé lo toi, dizon dé mil. Kan la pli i grinn, dizon 500 milimèt, donk 0,5 mèt. Sa i fé 1.000 mèt-kib dolo na moiyin ramassé pou toilèt, pou lav la min, kui manzé, lav la sal dé klas san pran sa déssi lo rézo lo k’i boir. Lé vré, i fo ékip lo batiman : alor, sa i donn travay lantropriz, épi avèk lo tan, ou lé gagnan. Épi, ékonomiz dolo, sa sé in piroté (!), gaspiyé la pa bien mèm si ni kroi sa lé modèrn. Fé lékonomi, sé sa la modèrnité !

Justin