Mi pans zot i pé z’ète dakor avèk moin : dolo i suiv la pant. Sa sé in késtyonn mékanik : kan li dsann li amas la fors donk li pé kontinyé son shomin, mèm li pé goumant son vitès, donk ranfors son kouran. Si li trouv in monté dsi son shomin li pèrd la fors é soi li étal, soi li artourn dann sans kontrèr pou li rod in l’androi pou shapé. Sa sé in zistoir d’lo, mé kosa li lé si li sé in z’istoir d’moun ? Demoun osi nana z’ot panshan natirèl é zot i suiv z’ot panshan-la. Zot i pé pa alé kont z’ot kouran natirèl . Mi pans sa lé vré osi pou z’idé dmoun : lé pli fasil alé dann sans bann z’idé dominant plito ké dann sansa kontrèr. Alé ! Ni artrouv pli dvan !