Zot i koné kan dolo i vèrdi dann in trou galé : lé sir sa i san pa bon. I san pa bon épi lé pa bon pou la santé : si ou la boir sa in gran kou d’mal o vant i atann aou. Sansa moustik i ponn la-dan épi antansyon la maladi kan bann nouvo moustik i lèv sirtou si zot lé kontaminé. Antansyon la ding, shikoungounia, mèm la fyèv palidéène… é tout sort kalité la tablatir. Mé si d’lo i koul, si li suiv son rout konm k’i fo éli lé pa éstagnant konm i apèl sa. Sa sans prop, mé sans figiré ? Si ou i bouz pa, si ou i rès an ta, mal kadik, la vévé é tout i kol dsi ou, ou lé bien mal an-nuiyé. Donk i fo bouzé ! Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot vca oir ké rant-rant, ni pé z’ète, tazantan, dakor rantre nou.