Oté

« Domande bourik kissa i lé son papa, li va répond sé lo shoval »

In kozman pou la route

Justin / 13 mars 2021

JPEG - 43.6 ko

Médame, méssyé, la sosyété koze èk mwin sé koze èk in kouyon mé sé o pyé d’lo mir k’i oi lo masson. Mézami, kozman mwin la mark an-o la i sorte dann Maghreb mé zot i koné sak lé v ré laba, lé vré galman issi dann in bonpé d’ka. Bourik noré pi répond, bourik mon papa, mé i diré li la onte é olèrk di lo pli vré li préfèr manti… Mi rapèl in zour mwin lété i abite dan péi d’fré é mwin l’avé in kamarade rényoné-nonbri antéré issi - téi rakonte bann zorèye li sorte Madégaskar. Mwin la dmand ali pou kossa li di dé shoz konmsa, li la répond pars i fé myé. Sak pou mwin té in fyèrté, pou li té in onte ; li téi profèr ronyé son péi plito ké rovandiké. Konbien foi mwin la antand demoun apré di ninporte koi dsi zot famiy, zot lorijine, zot métyé mèm. Mi di pa zot i fo fé konmsi sansa konmsa, mé sanm pou mwin dann la plipar dé ka di la vérité lé myé, sof si ou lé dann danzé sansa si demoun i pé z’ète an dan zé par out kozman. Alé ! Mi kite azot rofléshi ladsi é ni artrouv pli d’van. Sipétadyé.



Inn modékri, inn ti lavi, inn komantèr ?

Signaler un abus



Bann modékri andann forom






  • Mais si c’est un bourrik de droite lu va répondre à ou c’est Michel Debré son papa . Moin mi rapelle bien le temps où Michel Debré l’était le papa de la moitié des réunionnais même si lu té y enlève le pain de la bouche de ses enfants en refusant d’appliquer à la Réunion les lois sociales comme en France métropolitaine .

    Peut être que à cette époque band boug de gauche n’avait aussi un seul papa, mais c’était un papa marron . Bande chasseurs de marrons l’a rode à li longtemps mais la pas gaign trape à li parce que son bande zenfant l’a cachetre à li . quand te y rodes à lu par là li l’était par la bas et vis et versa. Mais à un moment le papa communiste l’a compris que pour s’occuper correctement de son bande zenfants il fallait que li fait attrape à li par le bande chasseurs de marrons et lu faut juge à lu pou lu retrouve son liberté de pensée et de mouvement .

    En fin de compte votre causement l’est vrai , n’a des fois où le papa du bourrik c’est un cheval, et des fois ou le papa du cheval c’est un bourrik

    Après, tout le monde y connait l’histoire , bas besoin mi raconte. à zot .
    Le papa Debré l’é devenu un vrai bourrik que tout le monde la fini oublié depuis longtemps même si n’a un cité y porte encore son nom à la Réunion , LU l’a présente à lu aux élections présidentielles , mais n’a tout juste 2% des électeurs l’a vote pou lu . Et le papa communiste que l’était parti marron, la gaigne le droit de s’occuper vraiment de ses zenfants .Grâce à lu, bande réunionnais la gaigne l’égaglité des droits et la Réunion l’a commencé à se développer jusqu’à l’arrivée du garçon Rotchild que l’a bouché le yeux de tout le monde avec sa poudre de Merlin pompon et ses formules magiques et la faut retourne à nous au moins 30 ans en arrière ou presque si c’est pas plus .

    Article
    Inn modékri, inn ti lavi, inn komantèr ?