Médam, méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami zot i koné sirman kozman-la é sirman zot néna zot poinnvizé la dsu...Pou mon par, mi oi pa sa, konm kékshoze fassil :la pèr i rofiz –i pé di galman la pèr «  i afronte  »- i fé ké mi pé ronons a domandé. Poitan souvan défoi si wi domande pa , ou lé sir pa gagné. Si ou la anvi gagné i fo wi pass par la kaz « domande ».

Domande pou kélk’in lé pli fassil ké domand pou ou. Ou néna lo bo rol é si i rofiz sé pa ou k’lé rofizé. Mi koné demoune i domande toute zafèr pou lé zot kissoi dann lètre, kissoi dann téléfone, kissoi mèm par mail mé zamé arien pou zot pars zot i oi sa konm in abèssman pou zot dignité.

Alé !Mi kite azot rofléshi la dsu é ni rotrouv pli d’van.
Sipétadyé.