Mi pans sa sé in loi d’la vi. Mi koné désèrtin i majine an avoir kékshoz san domandé. Pou koué, pars pou zot, zot lé lo pli méritan ké nana. Mi koné galman sak i pans, inn foi zot la domandé i fo k’i akord azot, mèm zot i di zot i oi pa pou kosa va arfiz azot kékshoz san fé in l’inzistis. Ni konpran bien lé shoz i pé pa spass konmsa... Mèm si sé in droi, i fo ou i fé la domann la plipar d’tan : i sort pa di, nana in koup de tan, in bonpé d’moun i pé prétann in ède sosyal mé konm zot i domann pa, zot i rosoi pa. Na mèm dé foi i fo réklamé, i fo lité, i fo vanzé pou sinploman fé rokonète out droi. Alé ! Mi lèss azot rofléshi la dsi é ni artrouv pli d’van sipétadyé.