Kan moin lété marmaye é ké moin téi viv dan lé o La Rényon, mi ansouvien bann grann pèrsone té i di, i fo pa di siouplé d’moun, i fo pa kont dsi baton tonton pou travèrs la rivyèr… Pou moin tout sak té i réspèk pa prinsip de vi la té i fé parti bann mayon fèb nout sosyété rényonèz. I fo dir moin la grandi dann in famiy kominis é prinsip moin la di anlèr la lété réspèkté avèk in n’ot i apèl la sharité vi ké nou lété kominis épi krétien konm i bonpé d’moun avansa dann nout péi. Zordi, sanm pou moin, lé shoz la bien shanjé é in kozman konm an-o la si sa téi fé donn amoin mo d’kèr avan é zordi li lé bien répandi é moin lé a d’mandé si nout pèp, dann in n’afèr konmsa la pa pèrd in pé son am. Alé ! Mi kite azot rofléshi la dsi é ni artrouv pli d’van. Sipétadyé !