Mézami ala in kozman mi antande dopi lontan… zot ossi mi sipoz. La pa bézoin tro rofléshi pou konprande sak li vé dir : sof k’i fo ozé pars si wi oz pa ou na poin arien pou gagné.

Sa i rapèl amwin bande soiré dansante kan nou lété militèr an Frans é ké toute dame téi anvoye anou baladé pars zot téi vé pa danss èk bande moune konm nou in pé bazané osinonsa sinploman tipé. Mi doi dir la plipar d’tan sa téi fé pa nou arien. Sirtou nou téi pran pa la kolèr.

Mi koné pa si koméla i passré konmsa, mé d’apré Rémy Nativèl, in vyé lansien zaviron sak téi dans pa – konm téi di – téi plush l’ail.

Alé ! Mi kite azot rofléshi la dsi é ni artrouv pli d’van. Sipétadyé.

Justin