Zéléksion prézidan la répïblik i ariv. Parti komïnist la fé son program sü in nouvo kontra sosial. L’allians va fé konèt son manièr oir lavnir La Rénion, épï va domann bann kandida si zot lé dakor avèk së manièr oir, épï ankor si zot va fé aplik lë program pou La Rénion.

Apré, nou va konèt si i pé vot pou zot sansa suif zot fèss.
Pétèt, inn-dé, la pa abityé avèk së manièr fé, mé pèrsonèlman, mi panss i fo fé konmsa.
Dabor inn, lo gouvèrnman dëpï Paris i oi pa bien, par lï mèm, oussa i lé lintéré La Rénion.

Epï, lë passé lé la pou amontr anou, souvan-dé foi, bann problem dann lé DOM lé pa la priorité pou bann parizien : pou fé légalité sosial la mèt pliss karant an. Zordï ankor, Gouvèrnman i oi pa lo shomaj, la mizèr, l’illétrisme l’apou kontraye nout dévlopman.
Chikungunya la amontr anou la médsine té i intérèss pa tro bann maladi "émèrgentes".

An pliss, nou la pa bézoin an aoir ont par rapor nout bann projé : nou la pa an aryèr dsü lé z’ot. Nou la rézon domann azot avan si zot lé dakor avèk nou.

Justin