Oté

« Domann mon frèr si moin lé volèr ! »

In kozman pou la rout

Justin / 24 novanm 2017

JPEG - 43.6 ko

Zot i koné kozman i di : « Lo zo i soutien la shèr ! » é zot i konpran zot mèm si zot i vé an avoir in l’opinyon san parti pri dsi in moun, lé pli proférab pa alé koz avèk in famiy lo moun, kisoi in frèr, in sèr, in momon… La plipar d’tan zot lé riskab an avoir in l’opinyon fosé. Dann kèl sans ? Si ni baz dsi nout kozman sré dann in bon sans, mé sa lé vré dann bann famiy solidèr, mé i ariv nana problèm dann famiy. L’èrla, désèrtin, dann out famiy, lé kapab taye aou in kostar, pa pou aranj aou, mé pou détrui out z’imaz. Akoz ? Pars lé komsa : l’amour sansa la ène i ranplas souvan défoi la rézon. Donk dann lé dé ka i fo pa fyé dsi in l’opinionn famiy ? Alé ! Mi lèss azot réfléshi la dsi é ni artrouv pli d’van sipétadyé.