In kozman pou la rout

« Domin i kont pou la po patate »

24 mé 2018, sanm Justin

Rant zordi épi domin, na inn lé sir, l’ot la pa asiré. Dann travaye i ariv souvan, rant dé pon – konm i apèl sa-moityé d’moun i pran in pon, l’ot moityé i pran l’ot. Mi romark désèrtin i domann toultan lo promyé pon pars d’apré zot lo proshin pon zot i koné pa si sa lé asiré sansa non. Kozman moin la mark an-o la, i di bien profite zordi si néna pou profité pars domin sé in n’ot afèr… Lé vré néna in n’ot kozman i di : domin i prépar zordi é sa lé vré galman. A bien rogardé néna in mazorité d’moun lé rant dé kèr : i koné pa si i fo profite zordi a fon, sansa si i fo prépar demin, si i fo prépar l’avnir. Mi koné pa kosa zot i anpans mé sanm pou moin sa sé in n’afèr i mérite in rofléksyon. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus