Si ou i pran in désizyon pou l’avnir, lé bon demoun i kroi aou, pars si i kroi pa ou, ou i koz dann vid é si ou i koz dann vid, ou lé pa fyab. Kan d’moun i abiz dsi la boison é ké zot lé in pé dézagréab. Z ‘ot famiy, z’ot konzoin, sansa z’ot zanfan i di azot : alé molo dsi la boison ! kan la fine ariv in n’afèr dézagréab l’abizèr d’boison i di : « A partir, mi boir pi ! ».

Solman sa i fé pa konmsa : shak foi ou lé tanté par l’uil tantan é - ou i soufèr in l’adiksyon !- Konm sé in provèrb alon sèy oir kan i ansèrv dé sa in l’égzanp, in moun parès, kan i fé ali in romark, li di mi sava travaye a-fon é lo moun k’i koné ali, i pans « Ankor in promès dé soular ! ». Dann tou léka, in promès sar pa ténu, i pé tiliz so patoi-la. Sa lé pa rar, sanm pou moin ! Ni artrouv pli d’van mon bann dalon.