Moin la pa anvi rouv diksionèr la violans. Moin la pa anvi fé koz la pitié. Mi inmré konét lo mo pou fé ansort zafèr koma i ariv pa.

I giny i giny pa ? Tir lo non limin si in boug ? I giny i giny pa ? Sirviv ankor kan ou la viv také ék la mor ? Tir zéguy dann fonn kèr ? Tir zéguy dann fonn trip ? Kél sigider pou sony sa ?

I giny i giny pa, ékrir si sat nou la antann ? si sat nou la vi ? Antouka i giny pa lés in karé blan, minm na pi la voi. I giny pa pa fé rien, pa di rien. Koué dir kank la raz na pi lo fon. Sa in moun sa ? In boug kom moin ? Kom ou ? Moin la ont ét in bonom ziska.

Zistin