In kozman pou la rout

« Done boushé manzé in moun parèss, li kab domann aou mashé »

23 mars 2020, sanm Justin

Médam, Mésyé, La Sosyété, koz èk moin sé koz èk in kouyon, mé sé o pyé d’lo mir k’i oi lo mason. Mé kosa i vé dir in kozman konmsa : ni pé konprann tout suite kosa sa i vé dir. Dizon sé in kasaz lé kui, in prézantasyon pou fé rir in défo désèrtin moun néna konm par ébzanp sak néna poil dan la min-anfin demoun parèss konm i di.I pé di galman demoun lé parèss konm lo shien pars in shien konm nou néna isi shé nou-in roiyal bourbon - i pass in bonpé d’tan pou dormi. La parèss – la sa lé san limite sa pars mi pans pa lé posib trouv lo fon d’in d’in moun parésé. Mé aster I fo pa konfonn in moun parèss avèk in moun i vé pa travaye pou arien ditou, dizon pou la po patate. Alé ! Mi kite azot rofléshi la dsi é ni artrouv pli d’van. Sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus