In kozman pou la rout

« Done in moun na la shyas in kari la vyann dézosé, li va kass son dan dsi in zo ! »

3 novanm 2018, sanm Justin

Moin la mèm fine lir : si ou i done in shyasé in kari lo foi, li pé kass son dan dsi in zos. Sa lé bien vré ! In moun shyasé, li sava trouv par si- par la, tout kalité lanspèk mèm si la poin. Si mi di azot in kékshoz konmsa la pa pou plézanté mé pars désèrtin moun néna la shyas goupiyé avèk z’ot kor. Mi rapèl in dalon dann tan moin lété marmaye. Boug-la lavé la shyas vèye pa koman. Mi ansouvien in zour pou évite gro plui li la tonm dann basinn-lo. Mi rapèl mèm in foi, pou pa fé la ké, pars lé vrélandroi lété tro ankonbré d’moun ébin li la travèrs in basin an ron pars li pansé basin lété o sèk. Mank de po lété plinn lo é mi pé dir azot la foul de moun la gaskone ali bien konm k’i fo. Alé ! Mi kite azot pou rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus