Inn é l’ot i vé dir la mèm shoz : dann in sanss prop nout toutt i konpran sak i vé dir, dann sanss figuiré, wi done kou d’pyé dann out vane de ri, kan wi pèrd la solidarité out famiye sansa l’ède out famiy an mèm tan.wi pé ossi par out fote pèrde out travaye donk out moiyin pèrd out gaingn-pain osinosa out gaingn-ri.

In zour mwin la antann in moune déza rézonab apré di, son fanm té i vienn pass l’ote koté d’la vi é kamarad la trouv ali avèk in mouvman nouvo é la fé romark ali son madam i sort mor, li la réponn : « si out marmite deri i ranvèrs, wi mète pi d’ri o-fé, wi mor d’fain ? ». Demoune in pé zéné la pa rolèv l’afèr mé shakinn la panss sak li vé..

Astèr, mi kite azot kass zot tète la dsi é ni rotrouv pli dvan, sipétadyé.

Justin