Mi ansouvien sak in dalon la rakont amoin nana bien lontan. Li lavé gingn in drol malovantr, avèk lo san é tou. Son vié famy la di alï :"Boir fèy kola, sa lé bon pou l’éshofman."Li boir, li boir mem, li guéri pa, an kontrèr li fé lo san an gaspiy.Lo marmay la kol shomin, la parti oir médsin.Sèt-la la donn alï for-for médikaman. La maladi la sové.
Astèr alon fé in sïpozission:Si dann in pti péi nana gran-gran problèm.Si péi-la lé kolé avèk in gran péi nana problèm solman moin grav, an tou lé ka pa lo mem kalité poblèm. Alor lo médikaman pou inn, i pé pa èt lo mem médikaman pou l’ot.Lo plan pou inn la pa lo mem ké pou l’ot.
Donkalor, i fo lo plan pou La Rénion la pa parèy lo plan pou La Franss, sansa nou va artrouv anou dann ka moin la marké.
Pran in tizane sinp konm boir fèy kola la pa sïfizan pou guéri dé sèrtin maladi grav.Mem mon bann dalon la pa invant zèf bouyi, i konpran sa.

Justin