Mézami si demoun i d’mand aou in n’afèr, wi doi méfyé. Pars i komans par domann aou kékshoz pou alé pli lwin épi domann d’ot shoz ; Dann la lang kréol néna in kozman pou sa : i di konmsa, si wi done in pyé, i pran in karo. Alor désid avan ziska ousa wi vé alé : si wi vé donn in pyé, done in pyé done pa pliss pars opliss wi sède, opliss va domann aou dé shoz an pliss. La vi lé konmsa, opliss demoun i gingn kékshoz, opliss zot i vé gingn davantaz. Mi rakont toultan listoir in vyé paran lété ménuizyé é in zour in kamarad la domann ali in shèz di gol, li la fé épi li la doné.Kan la domann ali lo pri, li la réponn sé pou arien.L’èrla lo kamarad la di ali, si mwin téi koné, moin nora domann dé.
Alé ! Mi kite azot rofléshi la dsi é ni artrouv pli d’van. Sipétadyé.