Médame, méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo vré masson.

Mézami issi dsi la tère shakinn néna son karaktèr, son labitide pran lé shoz an oublian souvan défoi, la pa sak i ariv aou i konte, mé la fasson wi rossoi sak i arv aou. Pran lé shoze, mé koman ? Konm l’arivé, sa lé possib. Konm in kékshoze dramatik ?sa i ariv ossi. An foutan ?akoz pa défoi lé myé d’fère konmsa.

Néna issi, konm déor, in rass maloki : zot doulèr i fé pli mal ké la vote, zot problème lé touzour pli grav ké la vote, si tèlman ké kan mwin la lire provèrb-la, mwin la panss azot épi mwin la di, dann mon lantouraz i mank pa d’moune konmsa.

Alé ! Mi kite azot rofléshi la dsi é ni artrouv pli d’van. Sipétadyé.