Médam, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo vré masson.

Mézami, mi koné pa si zot la fine antann kozman-la, mé lé possib pars sa kozman-la néna lontan li lé dann vokabilèr kréol La Rényon. Mi rapèl in tan téi parl sa pou bande gro propriyétèr zot tèr i komanss dopi bord-mèr épi i sava zika la tète la montagn.

Fitintan d’apré sak i di lo propriyétèr téi partaz son tèr rant son zanfan an lèz dopi la mèr ziska la montagn ziska k’in zour in divizyon konmsa té pi possib é bande zérityé la vande zot léritaz.

Alé ! Mi kite azot rofléshi la dsi é ni artrouv pli d’van. Sipétadyé.