Toute fasson lé pa toulmoune i pran mèm fasson bann zaléa d’la vi : san konté k’in pé i oi touzour bann bon koté d’in afèr, d’ote i oi touzour lo mové koté. Si mi pe done azot in konsèye sé pran modèl dsi lo gran Fourcade, li k’i dizé-plito k’i shanté-« Mi pran la vi konm li ariv ; lo zour, la nuite lé touzour parèye, mon kèr lé konm in kèr d’solèye »

In kon, sèye : si Titine la kite azot é ké zot kèr lé an margoz sirésèrtin si zot i rode bien zot i pé kékpar gingn in konsolassion, inn pèrdi diss rotrouvé.

Kossa k’zot i di dsa ? Pou mwin wala koman mi konpran la vi.

Alé ! Mi kite azot roflèshir la dsi é ni retrouv pli dvan, sipétadyé.

Justin