Mézami, Bra-for la, demoune i marsh avèk sa la konsyans souvan dé foi lé pa trankil pars zot la fine si tèlman mal-azi ké zot lé krintif pou zot santé. Lé vré koméla la fine pass in pé, mé nou la konète lontan lo tan nèrvis, lo tan bataye, lo tan la frode kan téi fé zélékssyon.

An rézon sak la fé sa la zistiss la pa tro fé pèye azot zot forfé, mèm in pé té protéjé pou sa, san konté l’ biznèss pars po in pé lo tan zélékssion lété lo tan pou gonf son pla. San parl lo tan pou la vanzanss… é dir téi apèl sa la démokrasi mi panss néna konm in lérèr.
Alé ! pou sak néna la mémoir, mi kite azot arrofléshi la dsi é ni artrouv pli d’van. Sipétadyé.

Justin