Mézami kozman-la lé inportan pou noute péi kan ni koné, pran landroi ni vé, néna in ba é sé la mèr-nivo d’la mèr — é néna in o é sé la tète la montagn. Si tèlman ké dann in sanss wi monte é dan l’ote sanss wi dsande. I prétan mèm pou partaz la tèr avèk bande kolon la dékoupe inn lèz dopi lo ba, ziska lo o, dopi batan dé lam, ziska somé dé montagn.

Si tèlman ké souvan dé foi wi antan léspréssion-advèrb pétète sansa prépozission — « issien-o » épi « issienba ». Kan wi parl lo shanté dan la lang demoune va di : issien — o demoune i shante an parlan, issienba demoune i shante pa an parlan. Vré, pa vré, mi koné pa tro é mi sava pa dir sa pou fash lo moune mé fransh vérité, noute toute i shante é pa parèye kissoi dan lé ba, kissoi dan lé o, mé i shante kan mèm é sa la pa inn movèz shoz pou nou.

Alé ! Mi kite azot rofléshi la dsi, é noi artrouv pli d’van. Sipétadyé.

Justin