Mésyé zé médam, la sosyété, mi koné pa si zot i yèm lo shien sansa si zot i yèm pa pars zot i koné toulmoun lé pa parèye avèk zanimo. Néna sak pou kisa zot shien sé zot konpagnon fi dèl. Néna in pé lo shien lé la plipar d’tan amaré konm anprizoné. Néna mèm in pé i antrotien lo shien pou manzé, sansa pou sèrv zapa pou rokin shagrin. Si BB i antann amoin, moin lé sir li port plint pou moin pars mi koné demoun i maltrète zanimo é mi dénons pa. Poitan, moin pèrsonèl mi maltrète pa zanimo. An kontrèr solon mon manyèr, mi gate in pé zanimo é alé dor avèk kont pa dsi moin. Shakinn son shakinn ! Pars d’apré sak mi lir an-o la zot i koné kosa v’ariv amoin. Mé konm séin provèrb, alon rode in pé son sans kashé : sinplomoan, sa i vé dir méfyé mové frékantasyon, lo shien étan in moun i fo pafyé dosi, lo piss sé sak li lèss aou konm mové tras. Alé ! Mi kite azot rofléshi la dsi é ni artrouv pli d’van. Sipétadyé.