Mézami zot i koné lotèl kouran d’èr-la — zot ? Sa néna son l’avantaz épi son linkonvényan. Avantaz ? Na poin arien pou péyé. Inkonvényan ? Wi pé pa dir ou lé bien protézé dann kalité lotèl konmsa.

Mézami sépa si zot la romarké in pé partou wi oi dann télé demoune i frékante so lotèl kouran d’èr-la. Kissoi dann péi néna la guèr ! Kissoi dann péi oussa néna bann katastrof natitèl ! Kissoi dann landroi néna plizanpliss demoune mizèr.

Lé domaz, mé opliss i sava, opliss néna partou toute sorte kalité lotèl kouran d’èr é ni pé domann anou pou kossa vik lo monde lé plizanpli rish, plizanpli ékipé, plizanpli o kouran, é plizanpli kapab mobiliz bann moiyin pou protèz la popilassion.

Mézami, ni doi dir i fo ni poz anou késtyon dsi toute sa, é biensir néna in kantité réponss é ni pé rofléshir la dsi. An atandan, ni rotrouv pli d’van sipétadyé.

Justin