Mézami kan mi rogarde dsu l’internet, mi oi, dann l’Afrik la-ba, néna maniok amèr épi maniok dou. Maniok dou wi pé manz tout-suite, mé sak lé amèr, sa i domande in préparassion, troi-kate zour konmsa avan manz ali.

Mi panssé issi shé nou l’avé manyiok dou solman, manyok amèr la poin. Si tèlman k’in zour kan mon proféssèr zéografi la domande amwin si néna in préparassion avan fé kui manyok, mwin la réponde : « shé nou la poin toussala ! » é si koshon i manz ravaz-la mèm san tir la po, li la pa pou gingn somèye pli ki anfo… Dann noute rassine na pwin syanur.

L’avé poin osinonda trépé, pars demoune i voiyaz é zot i ramenn toute sort zafèr dann zot valiz. Mèm maniok amèr zot i amenn é sèryèzman alon méfyé in n’afèr konmsa osinonsa alon pran noute prékossion.

Alé ! mi kite azot rofléshi la dsi é ni rotrouv pli d’van. Sipéytadyé.

Justin